Umugabo witwa Denis Kazungu yatawe muri yombi n’Urwego rw’Ubugenzacyaha, RIB akekwaho kwica abantu batazwi umubare akabashyingura mu nzu yakodeshaga.
Yabashyinguraga mu nzu iherereye mu Karere ka Kicukiro, mu murenge wa Kanombe, Akagari ka Busanza.
Uyu mugabo afungiye kuri sitasiyo ya Kicukiro.
Umuvugizi w’Urwego rw’Igihugu rw’Ubugenzacyaha, Dr Murangira B Thierry avuga ko hagikorwa iperereza kugira ngo hamenyekane umubare w’abantu uriya mugabo yishe, n’imyirondoro yabo.
